. أستهاض الفكر ثم حددمسيره
والمعاني دش في غبة بحرها
ليابدأبالأوله جته الأخيره
ولايجيب من البيوت إلادررها
ياللّه المعبودعلام السريره
ردكيد أعداءوطننا في نحرها
زمرة الشيطان عميان البصيره
غرها الشيطان لين أعمى بصرها
في البلد يسعون باعمالٍ شريره
شغلة الإرهاب يامكبر خطرها
يدعون الدين ونيتهم خطيره
قتلة المسلم حلالٍ في نظرها
فجروابأغلى بلد وأعز ديره
قبلة الإسلام كل مسلم شكرها
وبفضل رب البيت منجي مستجيره
من بغى يزعزع بلدناماقدرها
دام اْبو فيصل وأبو متعب شويره
سيدي نايف يبي يجلى كدرها
شعبها ليا صارت أيامٍ عسيره
بالتكاتف وقفته كل ٍخبرها
من ملكنا إليّا الأميرإلياوزيره
كل واحد دونها نفسه نذرها
لياأحتزمنا بالسلاح وبالذخيره
واعنى منا عداناواقشرها
من يقاومنا يبا يموت بحسيره
خاسرٍفي الدين والدنيا خسرها
وشكرهم منا على سيوفٍ شطيره
ثم تموت أعداء وطنا من قهرها
وأنشروها في الرياض وفي الجزيره
من بغى يزعزع بلدناماقدرها