ولــد ابــوي فالمصاعب محدن يعقله

أبـدأ بـذكـر الله وبـذكـره نسـأله
ربي عـظـيـم الـكـون جـلاي الهموم

اللي رفـع ســبـع وسـبـع مـنـزله
جـاعـل<ن>رزقه عـلى الخلق مـقسوم

ارسـل سـلامي لأخـوي رفـيع المنزله
ســــلام احــر مـن حـــر السـموم

ســـلام ياقوي الراي وافي المرجله
رائـد حـفيد اللي يـسـدون اللزوم

ولد ابوي فالمصـاعب مـحـدن يعقله
ياصل مواصـيله وعـزمه دايم عـزوم

عـلـمـه مـع الخـلق بفعله يحـمله
هـو ولد شـيخ<ن>من شـيوخ<ن> قروم

ولد من هو على الطالات محدن يجهله
يشهـد له التاريخ دايم على الدوم

ابــوي ذرا الدخيل وظـل<ن>يـظـله
يعبر بحور المرجله ويعومها عــوم

وخـتـامهـا عـدد مالاح مزنن يهمله
عـلى الـهــادي شفـيع<ن> للــعــمــوم


’’وســــــــلامــــتـــــكـــــم’’